منيو فيديو بالذكاء الاصطناعي — للمطاعم الراقية
منيو بيتحرك
على كل طاولة.
العميل يمسح الـQR، يتفرج على كل طبق في فيديو قصير، ويطلب بنفسه — والطلب يوصل الكاونتر مؤكد. من غير تطبيق، ومن غير جلسة تصوير.
- بدون عمولة على المبيعات
- عربي وإنجليزي
- شغّال من المتصفح
العين بتطلب
قبل البُق.
من صورة لفيديو
صورة واحدة.
فيديو يفتح النِّفس.
بتبعتلنا صورة حقيقية للطبق ووصف الشيف: الزاوية، المود، اللي لازم يظهر واللي ممنوع يظهر. بنولّد فيديو عمودي ١٠–١٥ ثانية بالذكاء الاصطناعي، ونراجعه قبل ما يوصلك. من غير مصوّر، ومن غير ستوديو.
إزاي بيشتغل
من الطاولة للكاونتر
في ٤ خطوات.
-
01
امسح
كل طاولة ليها QR مربوط برقمها. الكاميرا بتفتح المنيو في المتصفح على طول — من غير تحميل أي تطبيق.
-
02
اتفرج
فيديوهات عمودية زي الريلز. كل طبق بيقنع لوحده، والعميل بيقلّب بصباعه.
-
03
اطلب
العميل يختار الأصناف والإضافات بنفسه ويأكد الطلب. سوء فهم أقل بين العميل والويتر.
-
04
الكاونتر
الطلب يوصل تابلت الكاونتر بتنبيه صوتي، مرتب بوقت الوصول. الموظف يدخله في الـPOS زي العادي، ويقفله بعد التنفيذ.
أغنية FEEDERS
خلّي عينك تختار!
العميل اللي كان محتار بقى بيختار بعينه. شوف الحكاية كلها في فيديو متحرك على أغنيتنا.
شغّل الأغنيةوضع الكاونتر
الطلب يوصل مؤكد.
مش إشارة.
- أحمر = جديد، أصفر = اتستلم، رمادي = اتقفل. والتايمر بيحمرّ لو الطلب استنى.
- التنبيه الصوتي شغّال حتى وشاشة الـPIN مفتوحة — ولو النت قطع، الطلبات ما بتضيعش.
- جلسة لكل طاولة: لو فيه طلب شغال، المسح التاني يظهّر تنبيه بدل ما يكرر الطلب. من غير SMS ولا تسجيل.
- مش بيتربط بالـPOS — وده مقصود. مصدر إدخال واحد يعني مفيش طلبات مكررة ولا متنسية.
Feeders مش…
- نظام POSولا بيستبدله. الموظف لسه نقطة الإدخال الوحيدة.
- منصة توصيلبيشتغل جوه المطعم بس — لحظة ما العميل يقعد.
- عمولة على مبيعاتكاشتراك ثابت ومتوقع. كل جنيه زيادة بتاعك.
معمول لمين
للمطاعم اللي الشكل
جزء من الطعم.
فاين داينينج
العرض البصري جزء أساسي من قرار الطلب.
ستيك هاوس وسوشي
القطعية والتحضير والتقديم — كله بيتشاف.
كافيهات مميزة
حدّث الأصناف الموسمية بسرعة وبتكلفة أقل.
فنادق à la carte
منيو لكل منفذ، ولوحة إدارة واحدة لكل المنافذ.
الجودة
كل فيديو بيعدّي على عينين
قبل ما يعدّي على عميلك.
- 1
مراجعة داخلية
checklist واضح: الزاوية، الإضاءة، تطابق الألوان مع الصورة الأصلية، ومفيش تشوهات في الحركة.
- 2
موافقتك
بتشوف الفيديو قبل النشر: توافق، أو تطلب تعديل وإعادة توليد.
وبنوضح للعميل إن الفيديو تمثيلي — الثقة قبل الشكل.
الأسعار
اشتراك ثابت.
صفر عمولة.
الأسعار بالجنيه المصري. رسوم التأسيس بتغطي إنتاج أول دفعة فيديوهات.
أسئلة
بتتسأل كتير.
العميل محتاج ينزّل تطبيق؟
لأ. الـQR بيفتح المنيو في متصفح الموبايل على طول.
هل بيتربط بالـPOS بتاعي؟
لأ، وده مقصود. الطلب يظهر على تابلت الكاونتر مؤكد من العميل، والموظف يدخله في الـPOS زي العادي. مصدر إدخال واحد = مفيش طلبات مكررة.
الفيديو هيبقى شبه الطبق فعلاً؟
بيتولد من صورة طبقك الحقيقية ووصف الشيف، بيتراجع داخليًا، وانت توافق عليه قبل النشر. وبنوضح للعميل إنه تمثيلي.
لو الواي فاي ضعيف؟
الفيديوهات مضغوطة للموبايل، ولو الاتصال ضعيف المنيو بيرجع للصور تلقائيًا.
بتقيسوا إيه بالظبط؟
المشاهدات، الطلب بعد المشاهدة، وتكرار الطلب لكل صنف — وتقدر تقارن نفس الصنف بفيديو ومن غيره.
المنيو بأي لغة؟
عربي وإنجليزي، والعميل يبدّل بينهم بضغطة.
جاهز تخلّي المنيو يفتح النِّفس؟
سيب بياناتك، وهنكلمك نعرضلك Feeders على أطباقك انت.